អបអរសាទរ! ឧកញ៉ា ស្រ៊ៀត មុំសុភា ជាអនុប្រធានសមាគមទេសចរណ៍កម្ពុជា ទទួលការតែងតាំងជាកុងស៊ុលកិត្តិយសបង់ក្លាដេស ប្រចាំនៅកម្ពុជា ដើម្បីពង្រឹងទំនាក់ទំនងការទូត និងសហប្រតិបត្តិការរវាងប្រទេសទាំងពីរ

នៅថ្ងៃទី ២៨ ខែមេសា ឆ្នាំ ២០២៦ លោកជំទាវ ឧកញ៉ា ស្រ៊ៀត មុំសុភា ជាអនុប្រធានសមាគមទេសចរណ៍កម្ពុជា  ត្រូវបានតែងតាំងជាកុងស៊ុលកិត្តិយសនៃសាធារណរដ្ឋប្រជាមានិតបង់ក្លាដេស ប្រចាំនៅព្រះរាជាណាចក្រកម្ពុជា ជាផ្លូវការ។ ពិធីប្រគល់លិខិតតែងតាំងនេះ ត្រូវបានរៀបចំឡើងដោយស្ថានកុងស៊ុលកិត្តិយសបង់ក្លាដេស ប្រចាំនៅកម្ពុជា។

ពិធីនេះមានការចូលរួមពីមន្ត្រីជាន់ខ្ពស់រដ្ឋាភិបាល អ្នកតំណាងស្ថានទូត មេដឹកនាំអាជីវកម្ម និងភាគីពាក់ព័ន្ធសំខាន់ៗពីប្រទេសទាំងពីរ ដែលបានបង្ហាញពីសារៈសំខាន់នៃការពង្រឹងទំនាក់ទំនងការទូត និងសហប្រតិបត្តិការពហុវិស័យរវាងកម្ពុជា និងបង់ក្លាដេស។

ការតែងតាំងនេះគឺជាជំហានសំខាន់មួយក្នុងការលើកកម្ពស់កិច្ចសហប្រតិបត្តិការនៅក្នុងវិស័យសេដ្ឋកិច្ច ពាណិជ្ជកម្ម និងទេសចរណ៍ ព្រមទាំងជំរុញការតភ្ជាប់ និងការផ្លាស់ប្តូររវាងប្រជាជននៃប្រទេសទាំងពីរ។