ពិធីប្រគល់វិញ្ញាបនបត្រ គ្រូបង្គោលទេសចរណ៍ ដោយសមាគមទេសចរណ៍កម្ពុជា នៅព្រះសីហនុ

ពិធីប្រគល់វិញ្ញាបនបត្រដល់គ្រូបង្គោលសម្រាប់វគ្គបណ្តុះបណ្តាលវិជ្ជាជីវៈទេសចរណ៍ ដែលមានចំនួន ៤ ជំនាញ ត្រូវបានរៀបចំឡើងនៅខេត្តព្រះសីហនុ ដោយសមាគមទេសចរណ៍កម្ពុជា ជាអ្នកអនុវត្តកម្មវិធី។ កម្មវិធីនេះ បានទទួលការឧបត្ថម្ភជាកញ្ចប់ថវិការបដិភាគពី មូលនិធិអភិវឌ្ឍជំនាញ (Skills Development Fund – SDF) ព្រមទាំងមានការគាំទ្រពី ក្រសួងទេសចរណ៍ និង រដ្ឋបាលខេត្តព្រះសីហនុ ក្នុងគោលបំណងពង្រឹងសមត្ថភាពធនធានមនុស្សក្នុងវិស័យទេសចរណ៍។

វគ្គបណ្តុះបណ្តាលនេះ មានគោលដៅលើកកម្ពស់គុណភាពគ្រូបង្គោលវិជ្ជាជីវៈទេសចរណ៍ ដើម្បីធានាបាននូវការផ្តល់ការបណ្តុះបណ្តាលប្រកបដោយគុណភាព ស្របតាមតម្រូវការទីផ្សារ និងចូលរួមអភិវឌ្ឍវិស័យទេសចរណ៍កម្ពុជា ឱ្យមានភាពធន់ និងប្រកួតប្រជែងបានក្នុងតំបន់។